आजदेखि जारी हुने यस्तो छ सवारी पास
काठमाडौ,जेठ-३ । सरकारले जिल्ला प्रशासन कार्यालयबाट यसअघि जारी गरेको सवारी पास खारेज भएसंगै आजदेखि नयाँ सवारी पास जारी गरेको छ । आजदेखि लागु हुनेगरी जिल्ला प्रशासन कार्यालय काठमाडौंले हरियो रंगको नयाँ पासको व्यवस्था गरेको हो ।
जिल्ला प्रशासन कार्यालय काठमाडौंले जनाए अनुसार पास बमोजिम सवारी प्रयोग गर्दा चालकले अनुमतिपत्र र ब्लुबुक साथमा अनिवार्य बोक्नुपर्नेछ । प्रशासनले पास तथा कागजपत्रको दुरुपयोग गर्नेलाई कडा कानुनी कारबाही गर्ने समेत जनाएको छ ।
गृह मन्त्रालयको निर्देशनपछि यसअघि जिल्ला प्रशासन कार्यालयद्वारा जारी भएका सवारी पास भने खारेज भैसकेको छ। यस सन्दर्भमा विभिन्न जिल्ला प्रशासन कार्यालयले सूचना प्रकाशित गरेर पास खारेज भएको सुचना दिईसकेको छ।
