कोरोनालाई जितेर बाग्लुङकी युवती भइन डिस्चार्ज
काठमाडौ,बैशाख-१३ । कोरोना भाइरसको संक्रमणलाई जितेर बागलुङकी युवती डिस्चार्ज भएकी छन् । उनी एक महिना बढी अस्पतालको बसाइँ पछि शुक्रबार डिस्चार्ज भएकी हुन् ।
गत चैत ४ गते बेल्जियमबाट नेपाल आएकी बागलुङकी १९ वर्षीया अन्सु सापकोटामा परीक्षणका क्रममा चैत १० गते कोरोना भाइरसको संक्रमणको पुष्टि भएको थियो ।
सापकोटालाई शुक्रबार राती नै बागलुङस्थित धौलागिरी अस्पतालले डिस्चार्ज गरेको हो । उनी शुक्रबार नै घर पुगेकी छन् । सापकोटा नेपालको पाँचौँ कोरोना संक्रमित व्यक्ति हुन् । उनीसँगै नेपालमा ४९ संक्रमित रहेका थिए।जसमध्ये ११ जना भने उपचारपछि निको भइ घर फर्किसकेका छन् ।
