गुल्मी इस्मामा जालपा देबीको मन्दिर बन्न सुरु
गुल्मी,मंसिर २३ । गुल्मी जिल्लाको इस्मा गाउँपालिका वडानम्बर २ को छल्दीमा जालपा देबीको मन्दिर बन्ने भएको छ । ०५६ सालमा निर्माण गरिएको मन्दिर जीर्ण बनेकाले नयाँ मन्दिर बनाउन लागिएको हो ।
मन्दिरको इस्मा गाउँपालिकाका उपाध्यक्ष पार्वती कुँवरले शुक्रवार एक कार्यक्रमको आयोजना गरि मन्दिर निर्माण कार्यको शुभाम्भ गरेकी हुन् । मन्दिरको शिलान्यास गर्दै गाउँपालिकाका उपाध्यक्ष कुँवरले गाउँपालिकाको लागत स्टेमेट अनुसार मन्दिर निर्माण कार्य हुने बताइन् । उनले यस मन्दिर निर्माण सम्पन्न गाउँपालिकाले आबश्यक सहयोग गर्ने बताइन् ।
गाउँपालिका भित्र रहेका कला, संस्कृतिको संरक्षण र त्यसको निर्माण गर्नु गाउँपालिकाको दायित्व रहेको उपाध्यक्ष कुँवरले बताइन् । इस्मा गाउँपालिकाको आर्थिक सहयोगमा निर्माण गर्न लागिएको मन्दिरको निर्माण समितिले काम गर्ने निर्माण समितिका अध्यक्ष राजन कुँवरले बताए ।
गाउँपालिकासँगै मन्दिर निर्माण कार्यमा सहयोग गर्न इच्छुले आबश्यक सहयोग गर्नका लागि आवहन गरिएको कुँवरले बताए । सहयोगी दाताले सहयोग गर्न चाहेमा मन्दिर व्यवस्थापन समितिलाई सम्पर्क गर्न सकिने उनले बताए ।