छहरे-टोखा सडकमा घण्टौको जाम

तस्बिर: बिष्णु रिजाल

नुवाकोट,बैशाख १८ । छहरे – टोखा सडकमा सवारीसाधन घण्टौको जाममा फसेको छ । सोमबार साँझदेखि छहरे-काफलडाडा सडकखण्डमा सयौं गाडी जाममा फसेको हो ।

थानापतिका स्थानीय बिष्णु रिजालका अनुसार घण्टौ फसेको सवारीसाधन सञ्चालनमा आएपनि गल्छि नुवाकोटको सडक अवरुद्ध संगै सवारीसाधनको चाप बढेको छ ।

बिदामा छुट्टी मनाउन नुवाकोट आवतजावत गर्ने सवारीसाधन समेत मारमा परेका छन् । सडकखण्डको बोहोरेखोला छहरे सडक स्तरोन्नतिका चरणमा रहेको र थप वर्षाले हिलाम्मे भएपछि सवारीसाधन फसेको प्रहरीले जनाएको छ ।

हिलोका कारण कतिपय ईमर्जेन्सी एम्बुलेन्स समेत फसेका छन् । प्राथमिकताको आधारमा सवारीसाधन आवागमन खुलाउन स्थानीय युवाहरू लागिपरेको बुझिएको छ ।