धादिङ कारागारमा एक थुनुवाले गरे झुन्डिएर आत्महत्या
धादिङ,जेठ १४ । बुधवार धादिङ कारागारमा गए राती एक थुनुवाले झुन्डिएर आत्महत्या गरेका छन् ।
धादिङको वेनीघाट रोराङ गाउँपालिका ७ चरौंदिका २० वर्षीय विष्णु सुनारले शौचालयमा झुन्डिएर आत्महत्या गरेको कारागारले जनाइएको छ ।
चालु महिनाको ७ गते ज्यान मार्ने उद्योगमा पुर्पक्क्षकालागी धुनामा रहेका सुनार राति १ बजेतिर शौचालय गएको र लामो समय सम्म पनि नफर्किएपछि सुरक्षामा रहेकाले एकले अर्काको काँधमा चढी झ्यालबाट हेर्दा झुण्डीएकोअवस्थामा भेटिएको धादिङ कारागारका प्रशासक राममणि मिश्रले बताए ।
उनले मुडा बुन्न प्रयोग हुने दुई हात लामो डोरीले पासो लगाई आत्महत्या गरेका हुन् । घटनाका बारेमा प्रहरीले थप अनुसन्धान गरी मृतकको शव पोस्टमार्टमका लागी धादिङ अस्पताल पठाइएको प्रशासक मिश्रले बताए ।