सरकारले वन तथा वातावरण मन्त्रालयका लागि १८ अर्ब ६१ करोड रुपैयाँ विनियोजन
काठमाडौं,जेठ १५ । सरकारले आगामी आर्थिक वर्षका लागि वन तथा वातावरण मन्त्रालयलाई १८ अर्ब ६१ करोड रुपैयाँ बजेट विनियोजन गरेको छ।
अर्थतन्त्र सुदृढ पार्न र वातावरण संरक्षणमा जोड दिन सरकारले यो रकम छुट्याएको हो। बिहीबार प्रतिनिधि सभामा आगामी आर्थिक वर्ष २०८२/८३ को बजेट प्रस्तुत गर्दै उपप्रधानमन्त्री तथा अर्थमन्त्री विष्णु पौडेलले उक्त जानकारी दिएका हुन्।
उनका अनुसार उक्त बजेट जलवायु परिवर्तन न्यूनीकरण, वन संरक्षण, जैविक विविधता प्रवर्द्धन तथा हरित विकास कार्यक्रमहरूमा खर्च गरिनेछ।