त्रिशूली अस्पतालमा अनलाइन टिकट सेवा सुरु

नुवाकोट,असार १ । नुवाकोटको त्रिशूली अस्पतालले अनलाइन टिकट सेवा सुरु गरेको छ। अब बिरामीले अस्पतालको वेबसाइटबाट आवश्यक सेवा छानेर टिकट लिन सक्नेछन्।

मेडिकल सुपरिटेन्डेन डा. राजेन्द्र लामाका अनुसार यस सुविधाबाट नुवाकोटसहित रसुवा र धादिङका सेवाग्राही लाभान्वित हुनेछन्।

अस्पतालले यसअघि टोक प्रणाली लागू गरिसकेको थियो। अनलाइन टिकट व्यवस्थाले बिहानै लाइन बस्नुपर्ने झन्झट अन्त्य हुने र सेवा सहज हुने अस्पताल विकास समितिका अध्यक्ष उपेन्द्र बुढाथोकीले बताए।

एक सय शैयाको यो जिल्ला अस्पतालमा हाल विशेषज्ञ चिकित्सकबाट सेवा दिइँदै आएको छ। दैनिक करिब ३०० बिरामी आउने गरेका छन्।