कञ्चनपुरका विपिन जोशीका परिवार इजरायलतर्फ
काठमाडौं,साउन २७ — हमासको कब्जामा रहेका कञ्चनपुरका विपिन जोशीकी आमा पद्मा जोशी र दिदी पुष्पा जोशी सोमबार इजरायल प्रस्थान गरेका छन्।
त्रिभुवन विमानस्थलमा नेपालका लागि इजरायली राजदूत स्मुलिक अइर बासले बिदाइ गरे।
सन् २०२३ अक्टोबर ७ मा हमासको आक्रमणका क्रममा विपिन अन्य इजरायलीसँगै बन्धक बनेका थिए।
इजरायली सरकारले उनलाई नागरिक सरह प्राथमिकतामा राखी मुक्त गराउन प्रयास जारी राखेको छ।