पोखराको सहिदचोक आसपास निषेधित क्षेत्र घोषणा

पोखरा,भदौ २३। जिल्ला प्रशासन कार्यालय, कास्कीले पोखराको सहिदचोक क्षेत्र आसपासलाई निषेधित क्षेत्र घोषणा गरेको छ।

प्रमुख जिल्ला अधिकारी रुद्रादेवी शर्माका अनुसार आज दिउँसो २ बजेदेखि अर्को आदेश नभएसम्मका लागि पूर्वतर्फ वाइचोक, उत्तरपूर्वतर्फ मिलनचोक, पश्चिमतर्फ फिस्टेगेट (बैदाम), उत्तरतर्फ मालमोत कार्यालय र दक्षिणतर्फ राष्ट्रबैङ्कचोक (दक्षिण–पश्चिमतर्फ पर्यटन बोर्डको कार्यालय अगाडि, ड्यामसाइड) सम्म निषेधित क्षेत्र तोकिएको हो।

‘जेनजी’ पुस्ताद्वारा सञ्चालन भइरहेको प्रदर्शन अराजक बन्दै गएपछि जनसुरक्षाको दृष्टिले निषेधाज्ञा जारी गरिएको प्रशासनले जनाएको छ।