निवर्तमान गृहमन्त्री रमेश लेखकलाई मातृशोक

काठमाडौं,असोज १० । निवर्तमान गृहमन्त्री रमेश लेखकलाई मातृशोक परेको छ। लेखककी आमा शारदा लेखकको उपचारका क्रममा बिहीबार निधन भएको परिवार स्रोतले जनाएको छ।

८९ वर्षीया शारदा लेखकको ह्याम्स अस्पतालमा उपचाररत रहँदा बिहीबार अपराह्न ४ बजे निधन भएको हो।

स्वर्गीय शारदाको बिहीबार नै पशुपति आर्यघाटमा दाहसंस्कार गरिएको लेखक परिवारले जनाएको छ।