युनिटी कपमा नेपालले ऐतिहासिक जित, वेस्ट इन्डिज १९ रनले पराजित
काठमाडौं,असोज १२ । नेपालले युनिटी कपको पहिलो खेलमा वेस्ट इन्डिजलाई १९ रनले पराजित गर्दै ऐतिहासिक जित हात पारेको छ। यूएईस्थित शारजाह क्रिकेट स्टेडियममा शनिबार भएको खेलमा नेपालले पहिलो पटक टेस्ट मान्यता प्राप्त राष्ट्रलाई हराएको हो। साथै, दुई पटकको विश्वकप विजेता टोली वेस्ट इन्डिजविरुद्धको यो जितलाई नेपाली क्रिकेटको ठूलो उपलब्धि मानिएको छ।
टस हारेर ब्याटिङको निम्तो पाएको नेपालले निर्धारित २० ओभरमा ८ विकेट गुमाउँदै १४८ रनको योगफल खडा गर्यो। लक्ष्य पछ्याएको वेस्ट इन्डिज २० ओभरमा ९ विकेट गुमाउँदै १२९ रनमा सीमित रह्यो।
अन्तिम ओभरमा वेस्ट इन्डिजलाई जितका लागि २८ रन आवश्यक थियो। बलिङ गर्न आएका दिपेन्द्र सिंह ऐरीले उत्कृष्ट नियन्त्रण देखाउँदै पहिलो र चौथो तथा पाँचौं बल डट गराए। दोस्रो र तेस्रो बलमा चौका हाने पनि अन्तिम बलमा कुशल भुर्तेलले शानदार क्याच समात्दै नेपाललाई ऐतिहासिक जित दिलाए।
वेस्ट इन्डिजका लागि नवीन विदेशीले सर्वाधिक २२ रन बनाए भने कप्तान अकेल होसेनले ८ बलमा १८ रन प्रहार गरे। ओपनर अमिर जाङ्गोले १९, अकिम अगष्टेले १५ र केएसी कार्थीले १६ रन योगदान गरे।
नेपालका बलरहरूले समुहगत प्रदर्शन गरेका थिए। कुशल भुर्तेलले २ विकेट लिँदा नन्दन यादव, रोहित पौडेल, करण केसी, दिपेन्द्र सिंह ऐरी र ललित राजवंशीले समान १–१ विकेट लिए।
त्यसअघि ब्याटिङमा नेपालका कप्तान रोहित पौडेलले ३८ रनको योगदान दिए। कुशल मल्लले ३०, गुल्सन झाले २२ र दिपेन्द्र सिंह ऐरीले १७ रन बनाए। अन्तिममा सोमपाल कामी ६ र नन्दन यादव ७ रनमा अविजित रहे।
वेस्ट इन्डिजका लागि जेसन होल्डरले ४ विकेट, नवीन विदेशीले ३ विकेट र कप्तान होसेनले १ विकेट हात पारे।
विशेषगरी नेपालका लेग स्पिनर सन्दीप लामिछाने खेलमा चोटग्रस्त भए पनि उनले महत्वपूर्ण समयमा अकिम अगष्टेको विकेट लिए। उनको अनुपस्थितिमा पनि टोलीले दबाब सामना गर्दै जित निकाल्न सफल भएको हो।
यो जितलाई नेपाली क्रिकेटका विश्लेषकहरूले ‘गोल्डेन मोमेन्ट’ का रूपमा व्याख्या गरेका छन्। उनीहरूको भनाइमा, वेस्ट इन्डिजविरुद्धको जितले नेपाललाई अन्तर्राष्ट्रिय क्रिकेटमा थप उचाइमा पु¥याउनेछ।