आज एनपिएलको दुई खेल, रोमाञ्चक भिडन्तको तयारी

काठमाडौं,मंसिर ६ — राजधानीमा जारी दोस्रो संस्करणको नेपाल प्रिमियर लिग (एनपिएल) अन्तर्गत शनिबार दुई खेल हुने भएका छन्।

कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट रंगशालामा बिहान ११ः१५ बजे पहिलो खेलमा कर्णाली र लुम्बिनी लायन्स भिड्नेछन्। लुम्बिनी रोहित पौडेल र कर्णाली सोमपाल कामीको कप्तानीमा मैदानमा उत्रने छन्। लुम्बिनी दोस्रो जितको खोजीमा छ, उसले पहिलो खेलमा चितवन राइनोजलाई हराएको थियो। कर्णाली पनि पहिलो खेलमा हारको बेहोरी लिएर आजको खेलमा जितको प्रयास गर्नेछ।

दिउँसो ३ः३० बजे हुने दोस्रो खेलमा काठमाडौँ गोर्खाज र विराटनगर किङ्स आमनेसामने हुनेछन्। करण केसीको कप्तानीमा रहेको काठमाडौँले तेस्रो खेल खेल्दैछ। पहिलो खेलमा साविक विजेता जनकपुर बोल्ट्सलाई हराएको काठमाडौँ दोस्रो खेलमा सुदूरपश्चिम रोयल्ससँग स्तब्ध भएको थियो। सन्दीप लामिछानेको नेतृत्वमा रहेको विराटनगर लगातार दोस्रो जितको खोजीमा छ। उसले पहिलो खेलमा पोखरा एभेन्जर्समाथि शानदार जित हासिल गरेको थियो।

दुवै खेलमा उत्साही दर्शकको उपस्थिति रहने अनुमान गरिएको छ र प्रतिस्पर्धा रोमाञ्चक हुने देखिएको छ।