कालीमाटीमा आजका लागि तरकारी–फलफूलको नयाँ थोक मूल्य सार्वजनिक
काठमाडौं,मंसिर १९ । कालीमाटी फलफूल तथा तरकारी बजार विकास समितिले शुक्रबारका लागि कृषिउपजहरूको थोक मूल्य सार्वजनिक गरेको छ। समितिका अनुसार आज गोलभेँडा, आलु, प्याजदेखि लिएर फलफूल, सागसब्जी, च्याउ तथा मसला–जन्य उपजसम्मका सबै वस्तुहरूको मूल्य समायोजन गरिएको छ।
गोलभेँडामा आज पनि दरमा फरक देखिएको छ। ठूलो नेपाली गोलभेँडा प्रतिकिलो १०० रुपैयाँ तोकिएको छ भने भारतीय ठूलो गोलभेँडा प्रतिकिलो ११० रुपैयाँ कायम छ। सानो गोलभेँडामा पनि स्थानीय, तराई र भारतीय भेदअनुसार ७५ देखि ११० रुपैयाँसम्म मूल्य निर्धारण गरिएको छ।
आलु रातो प्रतिकिलो ५० रुपैयाँ, आलु सेतो ३७ रुपैयाँ र भारतीय रातो आलु ४५ रुपैयाँ तोकिएको छ। प्याज (भारतीय) प्रतिकिलो ३२ रुपैयाँमा उपलब्ध हुने समितिले जनाएको छ।
काउली, बन्दा र गाजरको मूल्यमा आज पनि मध्यमदर कायम गरिएको छ। काउली स्थानीय प्रतिकिलो ८०–९० रुपैयाँ तोकिएको छ भने बन्दा तराई ५० रुपैयाँ र स्थानीय बन्दा ६५ रुपैयाँ तोकिएको छ। गाजर स्थानीय १४० र तराई गाजर १३० रुपैयाँमा निर्धारण गरिएको छ।
सिमीजन्य तथा बोडीजन्य तरकारीमा पनि दर छुट्टाछुट्टै तोकिएको छ। तने बोडी प्रतिकिलो १७०, मकै बोडी ७०, घिउ सिमी स्थानीय र हाइब्रिड दुवैको मूल्य १६० रुपैयाँ तोकिएको समितिले जनाएको छ।
फलफूलतर्फ स्याउ फुजी प्रतिकिलो ३०० रुपैयाँ, झोले २५० रुपैयाँ, केरा दर्जनको २२० रुपैयाँ, अनार ४०० रुपैयाँ र कागती प्रतिकिलो १२० रुपैयाँ निर्धारण गरिएको छ।
च्याउतर्फ कन्य च्याउ प्रतिकिलो २२०, डल्ले च्याउ ३७० र सिताके च्याउ प्रतिकिलो ९०० रुपैयाँसम्म तोकिएको छ। त्यस्तै, महँगो मानिने कुरिलो प्रतिकिलो ११०० रुपैयाँ कायम भएको छ।
अदुवा प्रतिकिलो ९०, हरियो खुर्सानी साधारण ९०, अकबरे २२० र लसुन (चाइनिज तथा नेपाली) दुवै प्रतिकिलो २०० रुपैयाँ तोकिएको छ।
ताजा माछामा रहु प्रतिकिलो ३४०, बचुवा २८० र छडी २५० रुपैयाँ कायम गरिएको छ। समितिका अनुसार मूल्य दैनिक आपूर्तिको अवस्था, माग–आपूर्ति तथा बजार मूल्यअनुसार समायोजन गरिन्छ।