लुम्बिनी लायन्स प्लेअफमा प्रवेश
काठमाडौं,मंसिर २० । राजधानीमा जारी दोस्रो संस्करणको नेपाल प्रिमियर लिग (एनपिएल) अन्तर्गत शुक्रबार भएको खेलमा लुम्बिनी लायन्सले जनकपुर बोल्ट्स पराजीत गरेको छ । जितसँगै लुम्बिनी लायन्स प्लेअफमा प्रवेश गरेको छ ।
कीर्तिपुरस्थित मैदानमा टस जितेर ब्याटिङ रोजेको जनकपुरले दिएको १३३ रनको चुनौती लुम्बिनी लायन्सले ६ विकेटको क्षतिमा ५ बल बाकी रहँदै पुरा गरेको हो । जनकपुरले पूरै २० ओभर खेल्दै ६ विकेटको क्षतिमा १३२ रन बनाएको थियो।
प्रतियोगितामा सुदूरपश्चिम रोयल्स अविजित रहँदै १२ अङ्कका साथ पहिलो क्वालिफायरका लागि छनोट भइरहेको छ । काठमाडौँ गोर्खाज र विराटनगर किङ्ग्स प्लेअफमा सुरक्षित छन् । कर्णाली याक्स भने यसअघि नै बाहिरिसकेको छ ।