एनपीएल सिजन-२ को उपाधि लुम्बिनी लायन्सलाई
काठमाडौं,मंसिर २७ । नेपाल प्रिमियर लिग (एनपीएल) सिजन–२ को उपाधि लुम्बिनी लायन्सले जितेको छ ।
त्रिवि खेल मैदान कीर्तिपुरमा भएको फाइनल खेलमा सुदूरपश्चिमलाई ६ विकेटले हराउँदै लुम्बिनीले उपाधी हात पारेको हो । सुदूरपश्चिम रोयल्सले लुम्बिनी लायन्सलाई जितका लागि ८६ रनको सामान्य लक्ष्य दिएको थियो ।
लुम्बिनीका लागि दिनेश अधिकारीले सर्वाधिक ४२ रन बनाउनुभयो । कप्तान रोहित पौडेलले १६ रन बनाउँदा डार्सी सटले १४ रन थप्दा निरोशन डिकवेलाले १० रन जोड्नुभयो ।
सुदूरपश्चिमका लागि हेमन्त थामीले दुई विकेट हात पार्दा कप्तान दिपेन्द्रसिंह ऐरी र अविनास बोहोराले एकएक विकेट हात पार्नुभयो ।
यसै बीच प्रधानमन्त्री सुशिला कार्कीले नेपाल प्रिमियर लिग को च्याम्पियन लुम्बिनी लायान्सलाई बधाइ दिनु भएको छ । राष्ट्रिय आत्मविश्व उर्जा थप्न सफल यस उत्सवमा सहभागी सवै टिम आयोजक र सम्थकलाई धन्यावाद छ, प्रधानमन्त्री कार्कीले समाजिक संजाल फेसबुकमा लेख्नु भएको छ ।