जाडो बढेपछि गौर नगरपालिकाका विद्यालयमा चार दिन बिदा
रौतहट,पुस ८ । रौतहटको गौर नगरपालिकाले अत्यधिक जाडोका कारण पठनपाठन प्रभावित हुने भन्दै पुस ८ देखि ११ गतेसम्म चार दिन विद्यालयमा जाडो बिदा दिएको छ।
केही दिनयता चिसो अत्यधिक बढेपछि बालबालिकाको स्वास्थ्यमा प्रतिकूल असर पर्न सक्ने अवस्थालाई ध्यानमा राखेर बिदा दिइएको गौर नगरपालिकाले जनाएको छ।
न
गरपालिकाका प्रमुख प्रशासकीय अधिकृत सुभाष कुमार ठाकुरका अनुसार पुस ७ गतेको प्रमुखस्तरीय निर्णयअनुसार वर्षे बिदाबाट कट्टा हुने गरी सामुदायिक तथा संस्थागत विद्यालयमा बिदा दिइएको हो। जाडोका कारण जनजीवन प्रभावित बनेको छ भने बालबालिका र वृद्धवृद्धा बढी प्रभावित भएका छन् ।