तरकारीमा विषादीको अत्यधिक प्रयोग बढ्दो चिन्ता
काठमाडौँ, पुस २३ । नेपालमा तरकारी उत्पादन बढ्दै गए पनि विषादीको असमञ्जसपूर्ण प्रयोगका कारण तरकारीमा अत्यधिक रासायनिक विषादी फेला पर्न थालेको छ। किसानसम्म सरकारी कृषि प्राविधिकको पहुँच कमजोर हुँदा धेरैजसो किसान एग्रोभेटको सल्लाहमै विषादी प्रयोग गर्न बाध्य छन्।
कृषि तथा पशुपन्छी विकास मन्त्रालयका अनुसार करिब तीन लाख हेक्टरमा तरकारी खेती हुँदै ४१ लाख मेट्रिक टन उत्पादन भइरहेको छ। तर ताजा र काँचै खाने तरकारीमा विषादीको प्रयोगले उपभोक्ताको स्वास्थ्यमा जोखिम बढाएको सरोकारवालाले बताएका छन्।
विषादी छर्किएपछि कुर्नुपर्ने समयबारे जानकारी नहुँदा छर्किएको भोलिपल्टै तरकारी बजार पुग्ने गरेको पाइन्छ। सरकारले ३५ प्रतिशतसम्म विषादी अवशेष स्वीकार्य माने पनि केही सागमा अत्यधिक मात्रा भेटिएको छ। सरोकारवालाले किसानसम्म प्रभावकारी परामर्श र निगरानी आवश्यक रहेको बताएका छन्।