सुनको मूल्य घट्यो, चाँदीको बढ्यो 

काठमाडौं,पुस २३ । आज नेपाली बजारमा सुनको मूल्य घटेको छ भने चाँदीको मूल्य बढेको छ । नेपाल सुनचाँदी रत्न, पत्थर तथा आभूषण व्यवसायी महासंघका अनुसार आज सुन प्रतितोला ४०० रुपैयाँले घटेको छ । 

मंगलबार प्रतितोला २ लाख ६८ हजार १०० रुपैयाँमा कारोबार भएको सुन आज घटेर २ लाख ६७ हजार ७०० रुपैयाँ कायम भएको छ ।

चाँदीको मूल्य भने तोलामा ५५ रुपैयाँले बढेको महासंघले जनाएको छ । मंगलबार प्रतितोला ४ हजार ८८० रुपैयाँ किनबेच भएको चाँदी आज बुधवार प्रतितोला ४ हजार ९३५ रुपैयाँ पुगेको छ ।