बालेन्द्र शाहले झापा–५ बाट प्रतिनिधिसभा निर्वाचनका लागि उम्मेदवारी दर्ता
काठमाडौँ/झापा,माघ ६— राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाहले आगामी प्रतिनिधिसभा निर्वाचनका लागि झापा क्षेत्र नम्बर ५ बाट उम्मेदवारी दर्ता गराउनुभएको छ।
मंगलबार दमकस्थित निर्वाचन अधिकृतको कार्यालयमा पुगेर शाहले आफ्नो मनोनयन दर्ता गराउनुभएको हो। झापा–५ यसपटकको निर्वाचनमा उच्च चासोको केन्द्रका रूपमा हेरिएको निर्वाचन क्षेत्र हो।
शाहको उम्मेदवारी दर्तासँगै झापा–५ मा चुनावी प्रतिस्पर्धा थप रोचक बनेको छ। रास्वपाले यो निर्वाचन क्षेत्रमा सशक्त उम्मेदवारी प्रस्तुत गर्ने रणनीतिअनुसार शाहलाई अघि सारेको बताइएको छ।