सामाजिक सञ्जाल नियमन सम्बन्धी विधेयक फिर्ता लिने सरकारको निर्णय
काठमाडौं,माघ २० । सरकारले सामाजिक सञ्जाल नियमन सम्बन्धी विधेयक सङ्घीय संसदबाट फिर्ता लिने निर्णय गरेको छ ।
प्रधानमन्त्री निवास बालुवाटारमा आज बसेको मन्त्रिपरिषद् बैठकले सामाजिक सञ्जालको सञ्चालन प्रयोग तथा नियमन गर्ने सम्बन्धमा व्यवस्था गर्न बनेको विधेयक २०८१ संसदबाट फिर्ता लिन स्वीकृत प्रदान गर्ने निर्णय गरेको गृहमन्त्री एवं सरकारका प्रवक्ता ओमप्रकाश अर्यालले जानकारी दिनुभयो ।
यस्तै मन्त्रिपरिषद् बैठकले निर्माणाधीन संघीय संसद् भवन परिसरमा जेनजी आन्दोलनका शहीदहरूको सालिक बनाउने निर्णय गरेको छ ।
गृहमन्त्री अर्यालले जेनजी सहिदका सालिक बनाउने गरी सिंहदरबार परिसरको गुरुयोजना संशोधन गर्न स्वीकृति दिने निर्णय भएको बताउनुभयो ।
सरकारले यसअघि भदौ २३ र २४ गतेको जेनजी आन्दोलनमा मृत्यु भएका ४५ जनालाई शहीद घोषणा गरेको थियो ।