राष्ट्रिय महिला क्रिकेटरले लगाउने जर्सी सार्वजनिक
काठमाडौं,माघ २१ । नेपाली राष्ट्रिय महिला क्रिकेट टोलीले लगाउने नयाँ जर्सी सार्वजनिक गरिएको छ । महिला टोलीको जर्सीलाई एक्सट्रिम इनर्जी ड्रिंक्सले मुख्य प्रायोजन गरेको छ ।
क्यान र एक्सट्रिम इनर्जी ड्रिंक्सबिच जर्सी प्रायोजनसम्बन्धी सम्झौता पत्रमा हस्ताक्षर भएको छ । सम्झौता दुई वर्षका लागि गरिएको हो । सम्झौताअनुसार नेपाली महिला टोलीले लगायने जर्सीमा एक्सट्रिम इनर्जीको लोगोअङ्कित रहेको छ ।
नयाँ जर्सीको बुधबार राष्ट्रिय खेलकुद परिषद्का सदस्य सचिव रामचरित्र मेहता र क्यानका सचिव पारस खड्काले संयुक्त रुपमा सार्वजनिक गर्नुभयो ।
यसैबिच एक्सट्रिम इनर्जी ड्रिंक्सले आइसिसी टी–२० विश्वकप खेल हेर्न मुम्बईको वानखेडे स्टेडियम पुग्ने समर्थकलाई दुई हजार थान नेपाली क्रिकेट टोलीको जर्सी निःशुल्क वितरण गर्ने पनि जनाएको छ ।