प्रेम र स्नेहको उत्सव : आज भ्यालेन्टाइन डे मनाइँदै

काठमाडौं, फागुन २ – आज फेब्रुअरी १४ अर्थात् Valentine’s Day विश्वभर प्रेम र स्नेह साटासाट गर्ने दिनका रूपमा मनाइँदैछ। विशेषगरी युवायुवतीबीच लोकप्रिय बनेको यस दिन प्रेमी–प्रेमिकाले एकअर्कालाई फूल, कार्ड, चकलेटलगायत उपहार आदानप्रदान गर्दै आफ्ना भावना अभिव्यक्त गर्ने चलन बढ्दो छ।

सामाजिक सञ्जालको प्रभावसँगै भ्यालेन्टाइन डे मनाउने शैली पनि आधुनिक र आकर्षक बन्दै गएको देखिन्छ। पछिल्लो समय यो दिवस केवल एक दिनमा सीमित नरही सामाजिक तथा सांस्कृतिक रूपमा स्थापित पर्वकै रूपमा विकसित हुँदै गएको छ।

भ्यालेन्टाइन डे मनाउने परम्परा तेस्रो शताब्दीका सन्त Saint Valentineसँग जोडिएको विश्वास गरिन्छ। रोमन शासक Claudius IIले सैनिकलाई विवाह गर्न रोक लगाएपछि सन्त भ्यालेन्टाइनले त्यसको विरोध गर्दै गुप्त रूपमा विवाह गराइदिएको कथन छ। यही कारण उनलाई सन् २६९ को फेब्रुअरी १४ मा मृत्युदण्ड दिइएको थियो। उनको बलिदान र प्रेमप्रतिको समर्पणको सम्झनामा यो दिवस मनाउने परम्परा सुरु भएको मानिन्छ।

नेपालमा पनि भ्यालेन्टाइन सप्ताहव्यापी रूपमा मनाइन्छ। फेब्रुअरी ७ देखि सुरु हुने यस सप्ताहमा ‘रोज डे’, ‘प्रपोज डे’, ‘चकलेट डे’, ‘टेडी डे’, ‘प्रमिस डे’, ‘किस डे’ र ‘हग डे’ हुँदै अन्ततः भ्यालेन्टाइन डे मनाइन्छ।

यस वर्ष करिब चार लाख ५० हजार स्टिक गुलाबको फूल खपत हुने Floriculture Association Nepalको तथ्यांक छ। करिब पाँच करोड ६२ लाख रुपैयाँ बराबरको फूल खरिद–बिक्री हुने अनुमान गरिएको छ। हिउँद याम भएकाले आन्तरिक उत्पादनले करिब ३० प्रतिशत मात्र माग धान्ने जनाइएको