टी–२० विश्वकपबाट नेपाल बाहिरियो, वेस्ट इन्डिज नौ विकेटले विजयी

काठमाडौँ, फागुन ३ – ICC Men’s T20 World Cup अन्तर्गत समूह ‘सी’को खेलमा नेपाल पराजित हुँदै प्रतियोगिताबाट बाहिरिएको छ। मुम्बईस्थित Wankhede Stadiumमा आइतबार भएको खेलमा नेपाल टेस्ट टोली West Indies cricket teamसँग नौ विकेटले स्तब्ध बन्यो।

समूह चरणमा लगातार तेस्रो हार बेहोरेसँगै नेपालको यात्रा टुंगिएको हो। नेपाललाई हराउँदै लगातार तेस्रो जित निकालेको वेस्ट इन्डिज सुपर आठमा प्रवेश गरेको छ। समूहमा ६ अङ्कसहित वेस्ट इन्डिज शीर्षस्थानमा रहँदा चार अङ्कसहित इङ्ल्यान्ड दोस्रो स्थानमा छ। स्कटल्यान्ड र इटालीले समान दुई–दुई अङ्क जोडेका छन् भने नेपाल अङ्कविहीन रह्यो।

नेपालले दिएको एक सय ३४ रनको लक्ष्य वेस्ट इन्डिजले १५.२ ओभरमा एक विकेट गुमाउँदै सहजै पूरा गर्‍यो। वेस्ट इन्डिजका लागि साई होपले अविजित ६० रनको अर्धशतकीय इनिङ्स खेले। उनले पाँच चौका र तीन छक्का प्रहार गरे। सिमरन हेटमायर ४६ रनमा अविजित रहे भने ब्रान्डन किङले २२ रन जोडे। नेपालका नन्दन यादवले एक विकेट लिए।

यसअघि टस हारेर पहिले ब्याटिङ गरेको नेपालले २० ओभरमा आठ विकेट गुमाएर १३३ रन बनाएको थियो। सुरुवातमा दबाबमा परेको नेपालका लागि उपकप्तान दीपेन्द्रसिंह ऐरीले ५८ रनको महत्वपूर्ण अर्धशतक प्रहार गरे। उनले तीन चौका र तीन छक्का प्रहार गरे। टी–२० विश्वकपमा अर्धशतक बनाउने उनी दोस्रो नेपाली खेलाडी बने। यसअघि सन् २०१४ मा सुवास खकुरेलले अर्धशतक बनाएका थिए।

ओपनर कुशल भुर्तेल एक रनमै आउट भए भने आशिफ शेखले ११ रन बनाए। कप्तान रोहित पौडेल पाँच तथा आरिफ शेख दुई रनमा आउट भए। लोकेश बमले १३ रन जोडे। गुल्शन झाले ११ रन बनाउँदा सोमपाल कामी २६ रनमा अविजित रहे। करण केसी एक रनमै क्याच आउट भए।

बलिङतर्फ वेस्ट इन्डिजका जासोन होल्डरले चार विकेट लिए। उनले चार ओभरमा २७ रन खर्चिए। म्याथ्यु फर्ड, अकिल हुसेन, समर जोसेफ र रोस्टोन चेसले समान एक–एक विकेट लिए।

अब नेपालले समूह चरणको अन्तिम खेल फागुन ५ गते स्कटल्यान्डसँग खेल्नेछ। उक्त खेल नेपालका लागि प्रतिष्ठाको लडाइँ हुनेछ। नेपालले समग्रमा तेस्रो तथा लगातार दोस्रो पटक टी–२० विश्वकप खेलेको हो। यसअघि नेपालले सन् २०१४ र २०२४ को संस्करणमा सहभागिता जनाएको थियोे ।