धादिङ दुर्घटनाः मृतक संख्या १८ पुगे, २५ जना घाइते
धादिङ, फागुन ११ – धादिङमा यात्रुबाहक बस दुर्घटनामा परी मृत्यु हुनेको संख्या १८ पुगेको छ भने २५ जना घाइते भएका छन्।
पोखराबाट काठमाडौं आउँदै गरेको ग १ ख १४२१ नम्बरको बस आज राति करिब १ बजे बेनिघाट रोराङ गाउँपालिका–५ भैँसीगौडास्थित पृथ्वी लोकमार्गबाट त्रिशूली नदीमा खसेको थियो। सशस्त्र प्रहरी बलका प्रवक्ता विष्णुप्रसाद भट्टका अनुसार ११ जना पुरुष र ६ जना महिला घटनास्थलमै मृत्यु भएका छन्। मृतकमध्ये एक महिला र एक पुरुष विदेशी नागरिक रहेका छन्।
दुर्घटनामा परी घाइते भएका २७ जनालाई उद्धार गरी विभिन्न अस्पतालमा पठाइएको छ। केहीलाई स्थानीय अस्पतालमा प्राथमिक उपचार दिइएको छ भने अधिकांशलाई काठमाडौँमा उपचारका लागि लगिएको छ।
सशस्त्र प्रहरी बल, नेपाल विपद् व्यवस्थापन टोली तथा स्थानीयवासीहरूले उद्धार कार्यमा सक्रिय सहभागिता जनाएका थिए। विपद् व्यवस्थापन तालिम शिक्षालय, कुरिनटारबाट गोताखोरसहितको टोली परिचालन गरिएको थियो।
प्रहरीले मृतकहरूको पहिचान खुल्न बाँकी रहेको र घटनाबारे थप अनुसन्धान भइरहेको जनाएको छ।