इन्धनमा भारी मूल्यवृद्धि: पेट्रोल २०२ रुपैयाँ, डिजेल १८२ पुग्यो
काठमाडौँ,चैत २०। नेपाल आयल निगमले पेट्रोलियम पदार्थको मूल्य वृद्धि गरेको छ।
निगमले पेट्रोल, डिजेल र मट्टितेलमा प्रतिलिटर १५ रुपैयाँका दरले मूल्य बढाएको हो। नयाँ मूल्यअनुसार काठमाडौं र पोखरामा पेट्रोलको मूल्य प्रतिलिटर २०२ रुपैयाँ पुगेको छ, जुन यसअघि १८७ रुपैयाँ थियो।
त्यसैगरी, डिजेल र मट्टितेलको मूल्य १६७ रुपैयाँबाट बढेर १८२ रुपैयाँ प्रतिलिटर पुगेको छ।
मूल्य समायोजनपछि पनि निगमलाई आगामी १५ दिनमा करिब ११ अर्ब ७१ करोड रुपैयाँ घाटा हुने जनाएको छ।
