फेरि देखियो सलहको झुण्ड
काठमाडौं,साउन २२ । बझाङ र पर्वतमा फेरि सलह देखिएको छ । धेरै दिनपछि बुधबार बझाङको केदारस्युँ गाउँपालिका र पर्वतको केही ठाउँमा झुण्ड देखिएको प्लान्ट क्वारेन्टिन तथा विषादी व्यवस्थापन केन्द्रले बताएको छ ।
बझाङको केही ठाउँमा बालीनालीमा सामान्य क्षति गरेको केन्द्रको भनाइ छ । तर, झुण्ड तितरबितर भएर सानो सङ्ख्यामा भएकाले धेरै नोक्सानी गर्ने सम्भावना नरहेको अनुमान पनि केन्द्रले गरेको छ ।
पानी परेको बेला निस्क्रिय भएर जङ्गलमा बसेका झुण्ड मौसममा आएको सुधारसँगै फेरि बालीनालीमा देखिन थालेको छ ।
