भयावह बन्दै कोरोना संक्रमण,मंगलबार थपिए १ हजार १६ संक्रमित

काठमाडौं, भदौ २। नेपालमा कोरोना भाइरसको महामारी भयावह बनेको छ । मंगलबार अहिलेसम्मकै सर्वाधिक १ हजार १६ जना संक्रमित थपिएसँगै स्थिति भयावह बनेको हो ।

एकै दिन एक हजारभन्दा बढी संक्रमित थपिएपछि त्रास बढेको छ । अलिहेसम्म कुल संक्रमितको सख्या २८ हजार २ सय ५७ पुगेको छ । आज स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमले संक्रमित संख्याबारे जानकारी दिएका हुन् ।

आजसम्म १७ हजार ५ सय ८० जना संक्रमणमुक्त भएका छन् । आज ८५ जना संक्रमणमुक्त भएको डा. गौतमले जानकारी दिए ।