निषेधाज्ञाबारे कुनै निर्णय भएन, बुधबार पुनः बैठक बस्दै
काठमाडौं, भदौ १० । काठमाडौं उपत्यकामा जारी निषेधाज्ञाबारे छलफल गर्न मंगलबार बसेको उपत्यकाका तीनवटै जिल्लाका प्रमुख जिल्ला अधिकारीहरुको बैठकले निषेधाज्ञा थप्ने नथप्ने बारे कुनै पनि निर्णय नगरेको बताइएको छ ।
मंगलबार दिउँसो ३.०० बजे शुरु भएको बैठक अबेरसम्म चले पनि कुनै निर्णय नभएको र बुधबार बिहान पुनः बैठक बस्ने काठमार्डौ जिल्लाका प्रमुख जिल्ला अधिकारी जनकराज दहालले बताए ।
त्यस्तै ललितपुरका प्रमुख जिल्ला अधिकारी नरायणप्रसाद भट्टले पनि मंगलबारको बैठकबाट निषेधाज्ञा थप्ने वा नथप्ने विषयमा कुनै निर्णय नगरेको र बुधबार पुनः बैठक बस्ने बताए । यस अघि भदौ ३ गते राती १२ः०० बजेबाट जारी निषेधाज्ञा बुधबार बेलुका राती १२ः०० बजेसम्मका लागि रहेको छ ।
यो समाचार गोरखापत्र दैनिकमा प्रकाशित छ ।
