काठमाडौं, मंसिर २५। नेपाली कांग्रेसको महाधिवेशनमा सहभागी अधिकांशको रक्तचाप सन्तुलित रहेको पाइयो । महाधिवेशन कार्यक्रमस्थल भृकुटीमण्डपमा आयोजित निःशुल्क स्वास्थ्य शिविरमा स्वास्थ्य परीक्षण गरिएका अधिकांशको रक्तचाप सन्तुलित रहेको पाइएको हो । ब्लुक्रस अस्पतालले शिविर सञ्चालन गरेको थियो । स्वास्थ्यकर्मी सोमिमा आचार्यले भनिन्– “एकाध सहभागीको मात्र रक्तचापमा गडबडी देखिएको छ ।”