अब एक घण्टामै आउँछ कोरोना जाँचको नतिजा



काठमाडौ,चैत-१७।अब एक घण्टामै कोरोना जाँचको नतिजा आउने भएको छ।राष्ट्रिय जनस्वास्थ्य प्रयोगशालाले चीनबाट ल्याइएको पिसिआर मेसिनको प्रयोगबाट १ घण्टामै कोरोना जाँचको नतिजा निकाल्न सकिने भएको हो।मसिनहरु तत्काल प्रदेशमा पनि पठाएर जडान गरेपछि कोरोना परीक्षण सहज हुने बताइएको छ । नेपाल सरकारले चीनबाट पाँच वटा पिसिआर मेसिन ल्याएकोछ।ती पाँच मेसिन मध्य चारवटा मसिन प्रदेशमा वितरण गर्ने तयारी गरिएको छ ।

प्रयोगशालाका निर्देशक डा. रुना झाका अनुसार अब जो कोहीको पनि कोरोना परिक्षण गराउन सक्ने र एक दिनमा धेरै व्यक्तिहरुको स्वास्थ्य परिक्षण गराउन सक्नेछन। सरकारले पीसीआर मसिन ३० हजार रिएजेन्ट ल्याएको छ । एउटा रिएजेन्टले एक जनाको नमुना परिक्षण गराउन सकिने छ ।

धरान स्थित विपी कोइराला स्वास्थ्य विज्ञान प्रतिष्ठानमा गत आइतवार देखी परिक्षण सुरु गरिएको छ भने पोखरा , जनकपुर , हेटौडामा समेत परिक्षण सुरु गराउने तयारी भईरहेको स्वास्थ्य मन्त्रालयले जनाएको छ ।

प्रतिक्रिया दिनुहोस्