गण्डकी प्रदेशमा थप ६५ जनामा कोरोना, संक्रमित २९ सय ६८ पुगे
कास्की भदौ २८ । गण्डकी प्रदेशमा थप ६५ जनामा कोरोना भाइरस सङ्क्रमण पुष्टि भएको छ ।
प्रदेश स्वास्थ्य निर्देशनालयको पछिल्लो जानकारीअनुसार सङ्क्रमित सबै कन्ट्याक्ट ट्रेसिङका आधारमा पहिचान भएका हुन् । आइतबार बिहानमात्र ६५ जनामा संक्रमण पुष्टि भएसँगै गण्डकीमा २ हजार ९६८ जना संक्रमित पुगेको छ । पछिल्ला थपिएका तीमध्ये लमजुङको सुन्दरबजार १०, नवलपुरको विनयी त्रिवेणी ६, तनहुँको व्यास एक, म्याग्दे चार, स्याङ्जाको गल्याङ एक तथा गोरखाको गोरखा नगरपालिका तथा भीमसेन गाउँपालिकामा सात गरी २९ जनामा कोरोना पुष्टि भएको हो ।
त्यसैगरी प्रदेशमा ५६१ जना क्वारेन्टिनमा रहेका छन् भने सक्रिय संक्रमित एक हजार १८ छन् । आजसम्म एक हजार ८६१ निको भएर घर फर्किएका छन् । गण्डकीमा हालसम्म २४ जनाको कोरोनाका कारण मृत्यु भएको छ ।
