संघीय संसद्का सभामुख र अध्यक्षद्वारा समिति सभापतिहरुसँग छलफल, समन्वय नभएको गुनासो
![](https://www.sajhapath.com/wp-content/uploads/2020/07/115803760_2693703487580994_8537481992903711937_n.jpg)
काठमाडौं ५ साउन । संघीय संसद् प्रतिनिधसभाका सभामुख अग्निप्रसाद सापकोटा र राष्ट्रिय सभाका अध्यक्ष गणेशप्रसाद तिमिल्सिनाले समिति सभापतिहरुसँग छलफल गरेका छन् ।
सभामुख सापकोटाको अध्यक्षतामा राष्ट्रिय सभाका अध्यक्ष तिमिल्सिना, उपाध्यक्ष शशीकला दाहालको उपस्थितिमा प्रतिनिधिसभाका, राष्ट्रिय सभाका र दुबै सदनका संयुक्त समितिका सभापतिहरुसँग बिहान ११ देखि दिउँसो ४ बजेसम्म छलफल भएको हो । समितिका काम कारबाही, समस्या, समाधान र विविध विषयमा छलफल भएको सभामुख सापकोटाको सचिवालयले जानकारी दिएको छ ।
![](https://i1.wp.com/www.sajhapath.com/wp-content/uploads/2020/07/115803760_2693703487580994_8537481992903711937_n.jpg?fit=720%2C323&ssl=1)
बैठकमा समितिका सभापतिहरुले आ–आफ्नो समितिले गरेका काम, भोग्नुपरेको समस्या, खोजिएको समाधानबारे भनाइ राखेका थिए ।
छलफलमा सापकोटा, राष्ट्रिय सभाका अध्यक्ष तिमिल्सिना र राष्ट्रिय सभाका उपाध्यक्ष दाहालले सभापतिहरुले उठाएका विषयहरुमा आफ्नो धारणा राखेका थिए । छलफलका क्रममा यस्ता बैठकहरु नियमितिरुपमा रुपमा राख्ने विषयमा सहमति भएको विज्ञप्तिमा जनाइएको छ । सभामुख सापकोटाले समिति सञ्चालनमा समन्वय नभएको भन्ने सभापतिहरुले गुनासो गरेको जानकारी गराए ।
बैठकमा प्रतिनिधि सभाका १० मध्ये ८, राष्ट्रिय सभाका ४ र संयुक्त समितिका २ मध्ये १ गरी १३ जना सभापतिहरुको उपस्थिति रहेको थियो ।
![](https://i1.wp.com/www.sajhapath.com/wp-content/uploads/2020/07/samit.jpg?fit=720%2C228&ssl=1)