सिराहबाट २० लाख नगदसहित एक पक्राउ, कारबाहीको लागि जिल्ला प्रहरी कार्यालयमा बुझाइयो
काठमाडौं साउन ८ । २० लाख नगदसहित सिरहाका नगरपालिका १९ सोहरूवाबाट एक जनालाई पक्राउ परेका छन् ।
सीमा सुरक्षा बल लगदीगदियानीबाट खटिएको सशस्त्र प्रहरीको टोलीले स्रोत नखुलेको उक्त रकमसहित जिल्लाको अर्नमा गाउँपालिका–४ लक्ष्मीपुर निवासी ३७ वर्षीय सुकदेव ठाकुरलाई पक्राउ गरेको हो । सशस्त्र प्रहरी बल नम्बर ७ गण सिरहाका प्रहरी उपरीक्षक प्रवीण कँडेलले भारततर्फबाट आउँदै गरेका ठाकुरलाई शङ्का लागेर जाँच गर्दा रकम भेटिएपछि नियन्त्रणमा लिइएको बताए ।
पक्राउ परेका ठाकुरलाई आवश्यक कारबाहीको लागि जिल्ला प्रहरी कार्यालयमा बुझाइएको जनाएको छ ।
