करेन्ट लागेर रुपन्देहीमा एक महिलाको मृत्यु
बुटवल,साउन ९ । करेन्ट लागेर रुपन्देहीमा एक महिलाको मृत्यु भएको छ।रुपन्देहीको मायादेवी गाउँपालिका ६ बेथरीकी ४० वर्षकी इन्द्रा पासवानको टेबुल पंखामा करेन्ट लागेर मृत्यु भएको हो ।
करेन्ट लागेर घाइते भएकी उनको उपचारको लागि युनिभर्सल मेडिकल कलेज भैरहवामा लगिएकोमा डाक्टरले मृत घोषणा गरेका प्रदेश ५ प्रहरी कार्यालयका प्रवक्ता प्रहरी वरिष्ठ उपरीक्षक राजकुमार बैदवारले बताए।यस्तै नवलपरासी पश्चिमको सुस्ता गाउंपालिका–५ स्थित नारायणी नदीमा डुकेर एक पुरुष वेपत्ता भएका छन् ।
नारायणी नदीको ३ नम्बर ठोक्करमा दाउरा तान्ने क्रममा चिप्लिएर सुस्ता रामनगरका ५५ वर्षका राधेश्याम कोइरी वेपत्ता भएका हुन् । उनको खोजी भइरहेको प्रहरीले जनाएको छ ।
