इराकमा आत्मघाती बम बिस्फोट,२८ जनाको मृत्यु
एजेन्सी माघ ८ ।
इराकको राजधानी बग्दादमा भएको आत्मघाती बम बिस्फोटमा परी कम्तीमा २८ जनाको मृत्यु भएको छ ।
बग्दादको बजार क्षेत्रमा गरिएको आक्रमणमा ७३ जना घाइते भएको त्यहाँको इराकी सेनालाई उद्धृत गर्दै अल अरेबियाले जनाएको छ । आक्रमणको अहिलेसम्म जिम्मेवारी लिएको छैन । इराकको राजनधानी बग्दादमा २०१७ पछि आत्मघाती बम आक्रमण भएको थिएन । मृतकको पहिचान र घाइतको उद्दार कार्य जारी रहेको समाचारमा उल्लेख छ ।
इराकी सेनाका अनुसार बिस्फोट गराउने दुई जना युवक थिए । उनीहरुले धेरै भीड भएको बजारको मध्य भागमा गएर बिस्फोट गराएका थिए । इराकको एक आन्तरिक मन्त्रालयका प्रवक्ताले भने मृतकको संख्या १३ जना रहेको पुष्टि गरेका छन् । यद्यपि उनले आफूलाई पूर्ण जानकारी नआइसकेको बताउँदै मृतकको संख्या बढ्नसक्ने अनुमान गरेको छ ।
