करेन्ट लागेर दाङमा एक पुरुषको मृत्यु
दाङ,जेठ १ । दाङस्थित तुलसीपुरमा करेन्ट लागेर एक पुरुषको मृत्यु भएको छ ।
शनिबार बिहान तुलसीपुर उपमहानगरपालिका–७ झुमरे निवासी ४७ वर्षिय पुष्प श्रेष्ठको मृत्यु भएको इलाका प्रहरी कार्यालय तुलसीपुरका प्रमुख प्रहरी नायव उपरिक्षक शिव बहादुर सिंहले जानकारी दिए ।
नवनिर्मित आफ्नै घरमा पानी चाहार्नका लागि फलामको भर्याङ लैजाने क्रममा थ्रिफेज लाइनमा छुइँदा करेन्ट लागेर श्रेष्ठको मृत्यु भएको प्रहरीले बताएको छ ।
