सुनचाँदीको मूल्य घट्यो,तोलामा कति?
काठमाडौं, जेठ ७ । नेपाली बजारमा सुनको मुल्य घटेको छ । बिहीबार प्रतितोला ९३ हजार ७ सय रुपैयाँमा कारोबार भएको छापावाल सुन शुक्रबार ४ सयले घटेर प्रतितोला ९३ हजार ३ सय रुपैयाँमा खरिद विक्रि भएको नेपाल सुनचाँदी व्यवसायी महासंघले जनाएको छ ।
त्यस्तै, तेजाबी सुनको मुल्य आज प्रतितोला ९२ हजार ८ सय रुपैयाँ कामय भएको छ । हिजो ९३ हजार २ सय रुपैयाँमा कारोबार भएको थियो । यसैगरी, चाँदीको मुल्य पनि १० रुपैयाँले घटेको छ ।
बिहीबार प्रतितोला १३ सय ६० रुपैयाँमा किनबेच भएको चाँदीको मुल्य आज १३ सय ५० रुपैयाँ कायम भएको महासंघले जनाएको छ ।
