नवलपुरमा बस दुर्घटनाः तीन जनाको मृत्यु
![](https://www.sajhapath.com/wp-content/uploads/2021/09/E0A4A6E0A581E0A4B0E0A58DE0A498E0A49FE0A4A8E0A4BE-scaled-1-1.jpg)
चितवन,भदौ २९ । नवलपुरको गैंडाकोटमा यात्रु बोकेको बस र ट्रक एक आपसमा ठोकिँदा तीन जनाको मृत्यु भएको छ भने २४ जना घाइते भएका छन्।
प्रहरीका अनुसार सुदूरपश्चिम प्रदेश ०२–००१ ख ११२३ नम्बरको बस र विपरित दिशाबाट आएको ना ६ ७१२६ नम्बरको ट्रक मंगलबार विहान गैंडाकोटको २३ स्मृति पुल नजिकै ठोक्किएका हुन्।
मंगलबार विहान चार बजेतिर उक्त दुर्घटना भएको हो।
बस सडकदेखि १० फिट तल खस्दा दुई जना महिला र एक जना पुरुषको मृत्यु भएको प्रहरीले जनाएको छ। मृतकको परिचय खुल्न सकेको छैन।
घाइतेको भरतपुरमा उपचार भइरहेको बताइएको छ।