प्रथम हेरिटेज रिङ रेस्लिङ चैत्र १९ मा हुने, नुवाकोटे टाइगरसहित एक दर्जन खेलाडी भिड्दै
काठमाडौं,चैत १३ । प्रथम हेरिटेज रिङ रेस्लिङ प्रतियोगिता चैत्र १९ मा हुने भएको छ ।
आयोजक नेपाल रिङ रेस्लिङ संघले आइतबार पत्रकार सम्मेलन गर्दै यस सम्बन्धि जानकारी गराएको हो । प्रतियोगिता वसन्तपुरको डबलीमा दिउँसो २ बजे आयोजना हुनेछ ।
प्रतियोगितामा नुवाकोटे टाइगरसहित एक दर्जन खेलाडी भिड्नेछन् । प्रतियोगितामा चट्टान, डेभिड, साइन, टुप्पी ग्याङे, लेडी एञ्जल, तन्नु, सिजे, एससी, जोन, बाका, आकृति, योङ्ग श्याडी, स्पाईडर म्यान लगायत महिला तथा पुरुष खेलाडीहरूको सहभागिता रहनेछ ।
यस्तै, प्रतियोगितामा हेभी वेट च्याम्पियनले १ लाख ५ हजार, हार्डकोर च्याम्पियनले ८५ हजार, मिडल वेट च्याम्पियनले ७५ हजार, ट्याग टिम च्याम्पियनले ९५ हजार, लाइट वेट फिमेल च्याम्पियनले ६५ हजार साथै मेडल र प्रमाण पत्र प्राप्त गर्नेछन् ।
