बर्दियामा कुटपिटबाट एक जनाको मृत्यु

दाङ,वैशाख १६ । बर्दियामा कुटपिटबाट एक जनाको मृत्यु भएको छ । बुधार विहान साढे १० बजे बदैयाताल गाउँपालिका ८ स्याउलीबारजारमा स्थानीय ४७ वर्षीय बलहादुर कडेल र ४० वर्षीय मिन बहादुर घर्तीबीच विवाद भएको थियो ।

विवादमा घर्तीले कडेललाई धकेल्दा कडेल ढंगामा परी गम्भीर घाइत भएका थिए । उनको टाउकोमा गहिरो चोट लागेको थियो । त्यसपछि सोहि दिन राती ११ बजे बर्दिया अस्पतालमा सामान्य उपचारपछि नेपालगञ्जको नसिंङ होममा उपचारका क्रममा कडेलको राती पौन १ बजे मृत्यु भएको थियो ।

प्रहरीले घटनाको अनुसन्धान गर्न धर्तीलाई पक्राउ गरेको छ । उनीमाथि अनुसन्धान भइरहेको जिल्ला प्रहरी कार्यालय बर्दियाका प्रहरी नायव उपरीक्षक एवम् सुचना अधिकारी प्रकाश सापकोटाले जानकारी दिए ।