नुवाकोटकी सुशीलाको बसको छतबाट लडेर मृत्यु

नुवाकोट,वैशाख १६ । जिल्लाको बेल्कोटगढी नगरपालिका वडा नम्बर १ मा बसको छतबाट खस्दा एक महिलाको मृत्यु भएको छ ।

बस चालकको लापरबाहीका कारण बसको छतमा बसेकी सुशीला तामाङको मृत्यु भएको स्थानीयले बताएका छन ।

मृतक तामाङ २१ बर्षकी थिइन । बेल्कोटगढीबाट काठमाडौं जादै गरेको बा २ प ४९८१ नम्बरको बस च्याङ्ग्रेको भिरमा पुग्दा उनी छतबाट खसेकी थिइन ।

चाडबाडका समयमा नुवाकोट आवतजावतका क्रममा सार्वजनिक यातायातमा अत्यधिक घुइँचो हुने गरेको पाइएको छ ।