आज साउन महिनाको अन्तिम सोमबार, भगवान शिवको पूजा आराधना गरिँदै
काठमाडौं,साउन ३० । आज साउन महिनाको अन्तिम सोमबार भगवान शिवको पूजा आराधना गरि मनाइँदै छ । हिन्दू नेपाली नारीहरुले आज भगवान शिवको पूजा आराधना गरी सोमबारे व्रत समापन गर्छन् ।
कोरोना महामारीका कारण विगतका वर्षजस्तो नभए पनि यस वर्षमा शिवालयलमा भिडभाड छ । यस वर्षमा अधिकांश मन्दिरहरु खुलेको हुँदा श्रद्धालु भक्तजनले घर-घरमै पूजा आराधना गरी मनाउदै छन् ।
साउन महिनाको हरेक सोमबार ब्रत बसेर शिवको पूजा गर्दै आएका महिलाहरुले आज विधिपूर्वक पूजाआजा गरी व्रत समाप्त गर्दछन् ।
काठमाडौंको पशुपति, भक्तपुरको डोलेश्वर, ललितपुरको कुम्भेश्वर, पूर्वको हलेसी, सुनसरीको पिण्डेश्वर, म्याग्दीको गलेश्वर, कपिलवस्तुको कुशेश्वर, पर्वतको गुप्तेश्वर, जनकपुरको कपिलेश्वर, जलेश्वरको सिरेश्वर र कलानेश्वर लगायतका शिवालयहरुमा भक्तजनको घुइँचो लाग्ने गरेको भएपनि यसवर्ष कोरोनाका कारण मन्दिहरुमा भक्तजनहरुको उल्लेख्य सहभागिता छैन ।
यसैबीच चितवन, नवलपरासी र तनहुँको संगमस्थल देवघाटधाम, नुवाकोटको दुप्चेश्वरमा पनि साउनको अन्तिम सोमबार पूजा गर्ने गरिन्छ । साउन महिनालाई वर्षकै पवित्र महिनाको रुपमा लिइन्छ ।
