अष्ट्रिया र स्वीजरल्याण्डमा हिम-पहिरोका कारण १० जनाको मृत्यु
एजेन्सी,माघ २३ । अष्ट्रिया र स्वीजरल्याण्डमा हिमपहिरो जाँदा १० जनाको मृत्यु भएको छ ।
तेज हावा र हिमपातसँगै एकै दिन ३० भन्दा बढी ठाउँमा हिमपहिरो जाँदा विभिन्न देशका पर्यटकसहित १० जनाको मृत्यु भएको हो । साेही घटनामा न्युजिल्याण्ड, चीन र जर्मनीका पर्यटकहरुकाे मृत्यु भएकाे जनाइएकाे छ ।
अष्ट्रियाको स्की रिसोर्टहरुमा हिउँदे बिदा मनाउनेहरुको घुइँचो लागेका बेला हिमपहिरो गएको हो । त्यसैगरी स्वीजरल्याण्डको दक्षिण पूर्वी क्यान्टोनमा २ जनाको मृत्यु भएको छ । हिमपहिरोको जोखिम अझै रहेको भन्दै दुवै देशका मौसमविद्हरुले सर्वसाधारणलाई सचेत समेत गराएका छन् ।
