चीनले दियो आर्थिक संकटमा परेको पाकिस्तानलाई २ अर्ब डलर
एजेन्सी,चैत ११ । चीनले आर्थिक संकटमा परेकाे पाकिस्तानलाई २ अर्ब डलर सहयोग गरेकाे छ ।
चरम मूल्य वृद्धिसँगै वैदेशिक मुद्रा संचिति घटेपछि पाकिस्तानमा आर्थिक संकट गहिरिएको हाे । चीनले पाकिस्तानकाे संकट समाधान गर्नका लागि १ वर्षका लागि २ अर्ब डलर सहयोग गरेको हो ।
ऋण नभनिएको सोही रकम पाकिस्तानको केन्द्रीय बैकमा जम्मा गरिएको टाईम्स अफ इण्डियाले जनाएको छ । चीनकाे सहयोगले पाकिस्तानले अर्थतन्त्रलाई चलायमान बनाउन सहयोग पुग्ने अपेक्षा गरेकाे छ ।
पाकिस्तानको अर्थतन्त्र उकास्नका लागि अन्तर्राष्ट्रिय मुद्रा कोष आईएमएफले समेत सहयोग गर्ने तयारी गरेको छ । यद्यपी रकम र समयको भने टुंगाे लागिसकेको छैन । अर्थतन्त्र संकटबाट गुज्रिरहेको पाकिस्तानमा राजनीतिक अस्थिरता समेत उत्पन्न भएपछि आईएमएफको ऋण आउन ढिलाई भएको छ।
आईएमएफको ऋण सहयोग आउनु अघि चीनले २ अर्ब डलर सहयोग गरेको हो ।
