मंगल ग्रहमा मानिस पठाउने सपना साकारको प्रयासमा मस्क, ‘शक्तिशाली’ रकेट प्रक्षेपण गरियो
काठमाडौं,वैशाख ५ । एलन मस्क (Elon Musk)ले चन्द्रमा र मंगल ग्रहमा मानिस पठाउने सपना देखेका छन्, जसलाई साकार पार्न उनी निरन्तर प्रयासरत छन् ।
यसैबीच मस्कको कम्पनी स्पेसएक्सले सोमबार ठूलो उपलब्धि हात पर्ने दाउमा छ । उनले संसारको सबैभन्दा ठूलो र अन्तरिक्षमा यात्रा गर्ने रकेटभन्दा शक्तिशाली दाबी गरिएको स्टारसिपको सोमबार प्रक्षेपण गर्नेछन् ।
एलन मस्कले आइतबार राति ट्विटर प्रयोगकर्ताहरूसँगको अडियो कुराकानीमा रकेट प्रक्षेपण गर्न उत्साहित भएको बताएका छन् । पहिलो संयुक्त स्टारसिप स्पेसक्राफ्ट र सुपर हेवी बुस्टर बोका चिका, टेक्सासको स्टारबेसबाट प्रक्षेपण गरिनेछ । उक्त प्रक्षेपण नेपाली समय अनुसार साँझ ५.४५ बजे हुनेछ, जसको प्रत्यक्ष प्रसारण स्पेसएक्सले गर्ने जनाइएको छ ।
यो रकेटको सहायताले मानिस अर्को ग्रहमा जान सक्नेछन् । एलन मस्कको सपना सन् २०२९ सम्ममा मंगल ग्रहमा मानव पठाउने र त्यहाँ उपनिवेश स्थापना गर्नु हो । यही कारण ३ सय ९५ फिट लामो (१२० मिटर) संयुक्त स्टारसिप र सुपर हेभीको पहिलो परीक्षण उडान तयार भएको हो ।
NASAले चन्द्रमा ल्यान्डर अन्तरिक्ष यात्रीहरूले सन् २०२५ मा आर्टेमिस-३ मिसनमा प्रयोग गर्ने स्टारसिप चयन गरेको छ । यो सन् १९७२ पछि चन्द्रमामा पहिलो चालक दल अवतरण हुनेछ, तर, पहिलो SpaceX को डिजाइनले सफलता पाउनुपर्ने छ ।
यो अहिलेसम्म बनेको सबैभन्दा अग्लो रकेट हो, जुन ३९५ फिट अग्लो छ । यस रकेट बुस्टरमा अधिकतम संख्यामा इन्जिनहरू पनि जडान गरिएको छ । सुपर हेभी तल राखिएको छ, जसले माथिल्लो स्टारसिपलाई कक्षमा लैजान्छ । यसमा स्पेसएक्सको ३३ शक्तिशाली र्याप्टर इन्जिनहरू छन् । यसले १६ मिलियन पाउन्ड थ्रस्ट उत्पन्न गर्नेछ, जुन शनि V भन्दा बढी छ । जसले अपोलो अन्तरिक्ष यात्रीहरूलाई चन्द्रमामा पुर्याएको थियो । एजेन्सीको सहयोगमा
