भारतको मध्यप्रदेशमा बस दुर्घना हुँदा १५ जनाको मृत्यु, २५ घाइते
एजेन्सी,बैशाख २६ । भारतको मध्यप्रदेशमा एउटा यात्रु बस पुलबाट नदीमा खस्दा १५ जनाको मृत्यु भएको छ ।
१५ जनाको शव भेटिएको मध्यप्रदेशका गृहमन्त्री नरोत्तम मिश्रले बताउनुभएकाे हाे । दुर्घटनामा २५ जना घाइते भएका छन् । मध्यप्रदेशको खरगोन भन्ने ठाउँमा दासंगा र डोगरगाउँ जोड्ने पुलको रेलिङ भाचेर बस बैराड नदीमा खसेको थियो ।
मृतकका परिवारलाई ४–४ लाख रुपैयाँ मध्यप्रदेश सरकारले दिने भएकाे छ । साथै गम्भीर घाइतेलाई ५०–५० हजार तथा सामान्य घाइतेलाई २५ हजार रुपैयाँ आर्थिक सहयोग दिने निर्णय मध्यप्रदेश सरकारले गरेको छ ।
