नुवाकोटको बुधसिंङमा बस र मोटरसाइकल ठोकिँदा आमाको मृत्यु, छोरा गम्भीर घाइते

नुवाकोट,कात्तिक ९ । जिल्लाको बेलकोटगढी नगरपालिका ७ बुधसिंङघाटमा बस र मोटरसाइकल एकआपसमा ठोक्किएर गम्भीर दुर्घटना भएको छ ।
बा ४ ख ५७९३ नम्बरको बसले विपरीत दिशाबाट आउदै गरेको बा प्र ०३ ००४ प ९२१५ नम्बरको मोटरसाइकलाइ ठक्कर दिदा मोटरसाइकलमा सवार स्थानीय बेलकोटगढी ७ महादेवफाटकी वर्ष ५० की सावित्री अधिकारीको मृत्यु भएको हो ।
त्यस्तै मृतकका छोरा वर्ष २३ का अर्जुन अधिकारीलाई उपचारार्थ काठमाडौको ग्राण्डी अन्तरास्ट्रिय अस्पताल लगिएको जिल्ला प्रहरी कार्यालय नुवाकोटले जनाएको छ ।
घटना पश्चात् स्थानीयले गल्छी-देवीघाट चल्ने सवारी आवागमन ठप्प पारेका छन् । प्रहरीले बैकल्पिक मार्ग प्रयोग गर्न सुझाएको छ ।