मट्टीतेल र डिजलको लिटरमा दुई रुपियाँ मूल्य घट्यो
काठमाडौं,बैशाख १९ । डिजल र मट्टीतेलको भाउ दुई रुपियाँको दरले घटेको छ ।
आज बुधबार बिहान १ बजेदेखि लागू हुनेगरी नेपाल आयल निगमले डिजेल र मट्टीतेलको भाउ लिटरमा दुई रुपियाँको दरले घटाएको हो ।
भारतीय आयल कर्पोरेसन (आइओसी) ले मूल्यसूची घटाएर पठाएपछि निगमले नयाँ मूल्य कायम गरेको छ । निगमका अनुसार आइओसीले पेट्रोलमा प्रतिलिटर २ रूपियाँ र डिजेलमा २ रूपियाँ ४५ पैसा घटाएर नयाँ मूल्य सूची पठाएको छ।
निगमले पेट्रोल र खाना पकाउने ग्यासको भाउ भने यथावत् राखेको छ।
