एक सातापछि फेरि महँगियो सुन, चाँदीको भाउ पनि बढ्यो
![](https://www.sajhapath.com/wp-content/uploads/2024/05/20240527_150316.jpg)
काठमाडौं,जेठ १४ । सोमबार सुनको मूल्य वृद्धि भएको छ । आज छापावाला सुनको भाउ प्रतितोला ३०० रुपैयाँले बढेको हो । साताको पहिलो कारोबार दिन अर्थात् आइतबार १ लाख ३६ हजार ९०० रुपैयाँमा किनबेच भएको थियो ।
तर, आज बढेर १ लाख ३७ हजार २०० रुपैयाँ कायम भएको नेपाल सुनचाँदी व्यवसायी महासंघले जनाएको छ । महासंघका अनुसार आजका लागि तेजावी सुनको भाउ १ लाख ३६ हजार ५५० रुपैयाँ कायम भएको छ ।
यस्तै, आज चाँदीको भाउ पनि वृद्धि भएको छ । आज चाँदी प्रतितोला २५ रुपैयाँले बढेर १ हजार ८८० रुपैयाँ कायम भएको छ। अघिल्लो दिन भने १ हजार ८५५ रुपैयाँमा किनबेच भएको थियो ।