लगातर घट्यो सुनको भाउ, आज कतिमा हुँदैछ किनबेच ?

काठमाडौं,असोज १५ । सुनको भाउ आइतबारदेखि निरन्तर घटीरहेको छ । गत शुक्रबार १ लाख ६१ हजार २०० रुपैयाँ पुगेर ऐतिहासिक रेकर्ड बनाएको थियो । तर, त्यसपछि भने लगातार घटेको छ ।

नेपाल सुनचाँदी व्यवसायी महासंघका अनुसार मंगलबार पनि छापावाला सुनको भाउ तोलामा ५०० रुपैयाँ घटेर १ लाख ६० हजार रुपैयाँ कायम भएको छ। सोमबार १ लाख ६० हजार ५०० रुपैयाँ कायम भएको थियो । गत आइतार पनि १ लाख ६० हजार ६०० रुपैयाँमा किनबेच भएको थियो ।

साताको तेस्रो कारोबार दिन चाँदीको मूल्यमा पनि गिरावट आएको छ । आज चाँदी तोलामा १५ रुपैयाँ घटेर १ हजार ९२५ रुपैयाँ कायम भएको छ । सोमबार भने १ हजार ९४० रुपैयाँमा किनबेच भएको थियो ।